অসম গ্ৰন্থমেলাত কল্পনা বৰাৰ অভিনন্দন উন্মোচন ‘নিয়মীয়া বার্তা’ৰ সম্পাদক নৰেশ কলিতাৰ

গুৱাহাটীৰ অসম গ্রন্থমেলাৰ বাকৰিত কল্পনা বৰাৰ অভিনন্দন গ্রন্থ কাঞ্চনপ্রভা উন্মোচন কৰা হয়৷ কোচপ্রদীপ নাৰায়ণে সম্পাদনা কৰা গ্রন্থখন উন্মোচন কৰে ‘নিয়মীয়া বার্তা’ কাকতৰ সম্পাদক নৰেশ কলিতা, জ্যেষ্ঠ সাংবাদিক বিপুল শর্মা, বলেন চন্দ্র বৰুৱা আৰু কৃষ্ণ দৈমাৰীয়ে৷

জাগৰণ প্রকাশে প্রকাশ কৰা গ্রন্থখন উন্মোচন কৰি নিয়মীয়া বার্তা কাকতৰ সম্পাদক নৰেশ কলিতাই শুভেচ্ছামূলক বক্তব্য আগবঢ়ায়৷ তেওঁ লগতে কয় যে অসমীয়া অভিধানত শব্দৰ সংখ্যা দিনক দিনে বাঢ়িছে৷

সম্প্রতি এতিয়া অসমীয়া অভিধানত ১.২৫ লাখলৈ শব্দ বৃদ্ধি পোৱাটো শুভ লক্ষণ বুলি ‘নিয়মীয়া বার্তা’ৰ সম্পাদক কলিতাই মন্তব্য কৰে৷ আনহাতে সাংবাদিক বিপুল শর্মাই অভিনন্দন গ্রন্থৰ প্রয়োজনীয়তা সন্দর্ভত চমু ব্যাখ্যা আগবঢ়ায়৷

ডিজিটেল ডেস্ক, ২৯ ডিচেম্বৰ