অবৈধ অনুপ্রৱেশকাৰীক বিতাড়ন কৰাৰ বাবে সমগ্র বিশ্বত আমেৰিকাৰ ৰাষ্ট্রপতি ড’নাল্ড ট্রাম্পে শিৰোনাম দখল কৰি থকাৰ মাজতে বৈদেশিক পৰিক্রমা মন্ত্রালয়ে এক উদ্বেগজনক তথ্য প্রকাশ কৰিছে৷
সেই অনুসৰি বন্ধু ৰাষ্ট্র বুলি আখ্যা পোৱা ছৌদি আৰবে ২০২৫ বর্ষৰ বর্তমানলৈকে ১১ হাজাৰৰো অধিক ভাৰতীয় লোকক দেশখনৰ পৰা বিতাড়ন কৰিছে৷ সেই অনুসৰি ছৌদি আৰব সর্বাধিক ভাৰতীয়ক বিতাড়ন কৰা দেশ হিচাপে পৰিগণিত হৈছে৷ এই বিতাড়িত লোকসকলৰ অধিকাংশই ব্যক্তিগত প্রতিষ্ঠানত কাম কৰা শ্রমিক আৰু কর্মচাৰী৷
ভিছাৰ নিয়ম উলংঘা, অবৈধ জীৱন-যাপন আৰু স্থানীয় আইন অমান্য কৰাৰ অভিযোগত দেশখনৰ পৰা বৃহৎসংখ্যক ভাৰতীয়ক বিতাড়ন কৰে ছৌদি আৰবে৷ ৰাষ্ট্রীয় সংবাদ পত্রত প্রকাশ পোৱা মতে, ২০২৫ চনত ৮১খন দেশৰ পৰা ২৪,৬০০ৰো অধিক ভাৰতীয়ক বিতাড়ন কৰা হৈছে৷
নিউজ ডেস্ক, ২৮ ডিচেম্বৰ :