নিয়মীয়া বাৰ্তা, ২৯ এপ্ৰিলঃ হিন্দী ৰাষ্ট্রভাষা উচিত নে অনুচিত, তাক লৈ বিতর্ক চলি আছে অভিনেতা অজয় দেৱগণ আৰু কিচ্ছা সুদীপৰ মাজত৷ শেহতীয়াকৈ এই বিতর্কত ৰাজনীতি লগ লাগিছে৷ বিতর্কত অংশগ্রহণ কৰি মন্তব্য কৰিছে কর্ণাটকৰ প্রাক্তন মুখ্যমন্ত্রী ছিদ্দাৰামায়া আৰু দেশৰ প্রাক্তন প্রধানমন্ত্রী দেৱেগৌড়াই৷ দুয়োগৰাকী নেতাই উল্লেখ কৰিছে যে হিন্দী কেতিয়াও ৰাষ্ট্রভাষা হ’ব নোৱাৰে৷ দেশৰ ভাষাগত বৈচিত্র্যক সন্মান কৰা প্রত্যেকজন ভাৰতীয়ৰ কর্তব্য বুলি ইতিমধ্যে ৰাজ্যখনৰ বর্তমানৰ বিজেপিৰ মুখ্যমন্ত্রীগৰাকীয়েও মন্তব্য কৰিছে৷ লক্ষণীয়ভাৱে কেজিএফ–২ক সর্বভাৰতীয় ছবি আখ্যা দিয়া বিষয়ক লৈ সুদীপ আৰু অজয়ৰ মাজত আৰম্ভ হৈছিল বিতর্ক৷ এই বিতর্কত ছ’চিয়েল মিডিয়াত সুদীপে উল্লেখ কৰে যে হিন্দী ৰাষ্ট্রভাষা নহয়৷