নিয়মীয়া বাৰ্তা ১০ অক্টোবৰঃ ক’ভিড–১৯ মহামাৰী প্রতিৰোধী ভেকচিন তৃতীয় পর্যায়ৰ পৰীক্ষা চলোৱাৰ ক্ষেত্রত ভাৰতে ভূটানৰ সৈতে সহযোগিতা কৰিব৷ অর্থাৎ ভাৰত–ভূটানে যৌথভাৱে ক’ভিড ভেকচিনৰ ক্লিনিকেল পৰীক্ষা চলাব৷ লক্ষণীয়ভাৱে ক’ভিড–১৯ৰ মোকাবিলা কৰিবলৈ ভাৰতে প্রতিৱেশী ৰাষ্ট্রখনৰ বিভিন্ন দৰব, পিপিই কিট, এন–৯৫ মাস্ক, আৰটি–পিচিআৰ টেষ্ট কিট আৰু এক্সৰে মেচিন ভূটানলৈ প্রেৰণ কৰিছে৷ কালি ভূটানত থকা ভাৰতীয় কূটনীতিক ৰাছিৰা কাম্ব’জে ভূটানৰ বিদেশমন্ত্রী টাণ্ডি দর্জীৰ হাতত অর্পণ কৰে এটা প’র্টেবল ডিজিটেল এক্সৰে মেচিন৷ এই কথা ভাৰতীয় কূটনৈতিক কার্যালয়ৰ পৰা এক বিবৃতিত সদৰী কৰা হৈছে৷