নিয়মীয়া বাৰ্তা ৩০ জুলাইঃ কানাডাৰ এগৰাকী বিজ্ঞানীয়ে দাবী কৰিছে যে পৃথিৱীত ৮৯০ নিযুত বছৰ পূর্বে প্রাণীৰ বিচৰণ চলিছিল৷ ভূতাত্ত্বিক এলিজাবেথ টার্নাৰে এটা গৱেষণাৰ পৰা এই তথ্য লাভ কৰিছে৷ লৰেনটিয়ান বিশ্ববিদ্যালয়ৰ অধ্যাপক টার্নাৰে প্রাচীন শিলৰ পৰা এই তথ্য লাভ কৰিবলৈ সক্ষম হোৱা বুলি দাবী কৰিছে৷ ইতিমধ্যে এই সন্দর্ভত এক প্রতিবেদনো প্রকাশ পাইছে৷
অণ্টাৰি’ৰ বিজ্ঞানীগৰাকীৰ মতে, পূর্বতে ধাৰণা কৰাতকৈ ৩৫০ নিযুত বছৰ আগৰে পৰা প্রাণীৰ বিচৰণ ঘটিছিল পৃথিৱীত৷ অর্থাৎ প্রাণীৰ উৎপত্তি পূর্বৰ বিজ্ঞানীসকলে ধাৰণা সময়তকৈ আগতে হৈছিল৷ নেচাৰ জার্নালত প্রকাশ পাইছে টার্নাৰৰ এই প্রতিবেদন৷ এই প্রতিবেদন প্রকাশ পোৱাৰ লগে লগে বিশ্বজুৰি বিজ্ঞানীসকলৰ মাজত বিষয়টোক লৈ চিন্তা–চর্চা চলিছে৷ জীৱাশ্মাৰ ওপৰত দীর্ঘদিন ধৰি গৱেষণা কৰি আহিছে টার্নাৰে৷