নিয়মীয়া বাৰ্তা, ১০ মেঃ দেশত দৈনিক বৃদ্ধি পোৱা ক’ৰোনাৰ সংক্ৰমণ আৰু লকডাউনক লৈ সোমবাৰে সকলো ৰাজ্যৰে মুখ্যমন্ত্ৰীসকলৰ সৈতে বৈঠকত মিলিত হ’ব প্ৰধানমন্ত্ৰী মোদী । আবেলি ৩ বজাত ভিডিঅ’ কনফাৰেন্সিঙৰ জড়িয়তে মুখ্যমন্ত্ৰীসকলৰে বৈঠকত মিলিত হ’ব প্ৰধানমন্ত্ৰী মোদী। দেশত ক’ৰোনাৰ সংক্ৰমণ আৰম্ভ হোৱাৰ পাছত সোমবাৰে ৫ নম্বৰ বাৰলৈ মুখ্যমন্ত্ৰীসকলৰে বৈঠকত বহিব প্ৰধানমন্ত্ৰীগৰাকী ।
দেশত ১৭ মে’ত সমাপ্ত হ’বলগীয়া তৃতীয় পৰ্যায়ৰ লকডাউনৰ প্ৰাকমূহুৰ্তত এই বৈঠকখন গুৰুত্বপূৰ্ণ ৰূপে বিবেচিত হৈছে । এই বৈঠকত দেশৰ অৰ্থ ব্যৱস্থাৰ অগ্ৰগতি সন্দৰ্ভত আলোচনা কৰাৰ পূৰ্ণ সম্ভাৱণা কৰা হৈছে । এক সূত্ৰ মতে, দেশৰ আৰ্থিক ব্যৱস্থাক বৃদ্ধি কৰা আৰু কণ্টেনমেইন জ’নসমূহত মহামাৰী ক’ৰোনা প্ৰতিৰোধৰ বাবে লব পৰা ব্যৱস্থা সন্দৰ্ভত এই আলোচনাত চৰ্চা লাভ কৰিব পাৰে ।
ইপিনে প্ৰতিখন ৰাজ্যৰ শেহতীয়া খবৰ সন্দৰ্ভতো আলোচনা কৰিব এই বৈঠকত ।
Prime Minister Narendra Modi will hold video conferencing with all the Chief Ministers tomorrow at 3 pm: Sources. #Covid19 pic.twitter.com/lFo2W7fINg
— ANI (@ANI) May 10, 2020