নিয়মীয়া বাৰ্তা, ২১মাৰ্চ: তেলেগু চলচ্চিত্ৰ জগতৰ বিখ্যাত তাৰকা আল্লু অৰ্জুনৰ শেষৰখন মুক্তিৰ ছবি ‘পুষ্পা’ ব্লক বাষ্টাৰ আছিল। ইয়াৰ লগে লগে আল্লু হৈ পৰিছে দেশৰ আটাইতকৈ দাবীদাৰ পান ইণ্ডিয়ান তাৰকা। সুকুমাৰৰ পৰিচালনাত পুষ্পা’ ছবিখন অন্ধ্ৰ প্ৰদেশৰ চিত্তুৰ জিলাৰ ৰঙা চন্দন কাঠৰ চোৰাং ৰেকেটৰ কাহিনীৰ আধাৰত নিৰ্মাণ কৰা হৈছিল। ছবিখনত আল্লু অৰ্জুনে শিৰোনাম চৰিত্ৰ পুষ্পা ৰাজৰ চৰিত্ৰত অভিনয় কৰিছিল। আৰু এতিয়া অনুৰাগীসকলে আগ্ৰহেৰে অপেক্ষা কৰি আছে ‘পুষ্পা ২’ৰ বাবে। আনহাতে, আল্লুৱে তেওঁৰ জন্মদিন উপলক্ষে অনুৰাগীক এটা ডাঙৰ চমক দিবলৈ ওলাইছে।
আল্লু অৰ্জুনৰ জন্মদিনত মুক্তি পাব ‘পুষ্পা ২’ৰ টিজাৰ
শেহতীয়াকৈ অন্ধ্ৰ প্ৰদেশত শ্বুটিং কৰা হৈছে ‘পুষ্পা ২’ৰ আটাইতকৈ প্ৰত্যাশিত অফিচিয়েল টিজাৰ। একে সময়তে অৱশেষত মুক্তিৰ তাৰিখ প্ৰকাশ পাইছে। শেহতীয়া আপডেট অনুসৰি লিডিং মেন আল্লু অৰ্জুনৰ ৪১ সংখ্যক জন্মদিন উপলক্ষে চলিত বৰ্ষৰ ৮ এপ্ৰিলত মুক্তি পাব সকলোৰে প্ৰত্যাশিত ‘পুষ্পা ২’ৰ টিজাৰ। শেহতীয়াকৈ মেকাৰসকলে বিশেষ পোষ্টাৰৰ জৰিয়তে এই ৰোমাঞ্চকৰ নিশ্চিতকৰণ শ্বেয়াৰ কৰিছে।