অন্তিমবাৰৰ বাবে আমেৰিকাত অনুষ্ঠিত বিশ্বকাপ ফুটবলৰ গ্রুপ পর্যায়ত টিকটৰ দাম আছিল ২৫ ডলাৰ৷ ফাইনেলৰ টিকটৰ সর্বাধিক দাম আছিল ৪২৫ ডলাৰ৷ ত্রিশ বছৰৰ পাছত ফিফা বিশ্বকাপ ফুটবল পুনৰ আমেৰিকালৈ ঘূৰি অহাৰ পিছত ছবিখন সম্পূর্ণ বেলেগ৷
পৰৱর্তী বিশ্বকাপৰ টিকটৰ দাম বাঢ়িব বুলি আশা কৰা হৈছিল যদিও ইমানো বেছি হ’ব বুলি ভবা নাছিল৷ বিভিন্ন ফিল্ডৰ আকাৰ অনুসৰি টিকটৰ মূল্য নির্ধাৰণ কৰা হৈছে৷ যদি আপুনি ফাইনেল চাব বিচাৰে তেন্তে কমেও ৬ লাখ টকা খৰচ কৰিব লাগিব৷
গ্রুপ পর্যায়ৰ টিকটৰ সর্বনিম্ন মূল্য ৫,৩২৫ টকা৷ অৱশ্যে সেই মূল্যৰ টিকট খুব কমসংখ্যক মুকলি হৈছে৷ আমেৰিকাত হ’বলগীয়া বিশ্বকাপ ফুটবলৰ টিকট চাৰিটা ভাগত বিভক্ত কৰা হৈছে৷ ব’ষ্টনত হ’বলগীয়া কোৱার্টাৰ ফাহনেলৰ সর্বনিম্ন টিকটৰ মূল্য ২৪,৪০৭ টকা৷ কোৱার্টাৰৰ সর্বোচ্চ টিকটৰ মূল্য ১,৪৯,৯৯৭ টকা৷ এই টিকটৰ দাম ল’ছ এঞ্জেলছৰ ছফী ষ্টেডিয়ামত ৰখা হৈছে৷
আটলাণ্টাৰ ছেমিফাইনেল চাব বিচাৰিলে ৩৯,৯৪০ টকা দিব লাগিব৷ ডালাছত খেল চাব বিচাৰিলে ২,৪৬,৭৪১ টকা দিব লাগিব৷ উত্তৰ আমেৰিকাৰ ক্রীড়া আৰু মনোৰঞ্জন জগতত টিকটৰ দাম চাহিদাৰ ওপৰত ভিত্তি কৰি উঠা–নমা কৰে৷
ফিফাই প্রথমবাৰৰ বাবে বিশ্বকাপত এই পদ্ধতি ব্যৱহাৰ কৰিছে৷ এইবাৰ ক্লাব বিশ্বকাপতো দেখা গৈছে৷ বিশ্বকাপত কেৱল খেলপথাৰেই নহয়, গেলাৰীৰ কথাও৷ ২০১৪ চনৰ বিশ্বকাপত ব্রাজিলৰ প্রতিখন ষ্টেডিয়াম ভৰি পৰিছিল৷ কিন্তু টিকটৰ দামৰ বাবে বহুতে বিশ্বকাপৰ খেল চাবলৈ আমেৰিকা ভ্রমণ কৰাৰ পৰা বিৰত থকাৰ অধিক সম্ভাৱনা আছে৷
নিয়মীয়া বাৰ্তা ডেস্ক, ৯ অক্টোবৰ