কাইলৈৰ পৰা আৰম্ভ টিকট বিক্ৰী : বর্ষাপাৰাত ভাৰত-দক্ষিণ আফ্রিকাৰ টেষ্ট

গুৱাহাটীৰ বর্ষাপাৰাস্থিত এচিএ ক্রিকেট ষ্টেডিয়ামত ২২ নৱেম্বৰৰ পৰা আৰম্ভ হ’ব ভাৰত আৰু দক্ষিণ আফ্রিকাৰ মাজৰ দুখনীয়া টেষ্ট মেচৰ শৃংখলাটোৰ দ্বিতীয় তথা অন্তিমখন টেষ্ট৷

এই ঐতিহাসিক টেষ্ট মেচখনৰ টিকট বিক্রী ৫ নৱেম্বৰৰ পৰা আৰম্ভ হ’ব বুলি অসম ক্রিকেট সন্থাই জনাইছে৷ অনুৰাগীয়ে বুকমাইশ্ব’ (বিএমএছ)ৰ জৰিয়তে টিকট বুকিং কৰি ইতিহাসৰ সাক্ষী হোৱাৰ সুযোগ লাভ কৰিব৷

সফল বুকিং কৰাৰ পিছত অনুৰাগীয়ে এম টিকট (ডিজিটেল টিকট) লাভ কৰিব, যাৰ জৰিয়তে ষ্টেডিয়ামত প্রৱেশত সুচল হ’ব৷

ৰাজ্যৰ ক্রিকেট অনুৰাগীসকলৰ সর্বাধিক অংশগ্রহণক উৎসাহিত কৰিবলৈ প্রতিদিনে টিকটৰ মূল্য সুলভ কৰি ৰখা হৈছে৷ ছাত্র–ছাত্রীৰ বাবে ৫০ টকা আৰু জেনেৰেল ষ্টেণ্ড ১০০ টকাৰ পৰা আৰম্ভ হ’ব বুলি অসম ক্রিকেট সন্থাৰ এক বিজ্ঞপ্তিত এই কথা সদৰী৷

ডিজিটেল ডেস্ক, ৪ নৱেম্বৰ