বিশেষ বাৰ্তা, ২৬ মেঃ ৭ জুনৰ পৰা দ্য অ’ভেলত অনুষ্ঠিত হ’ব বিশ্ব টেষ্ট চেম্পিয়নশ্বিপৰ চূড়ান্ত খেলখন। বিশ্ব টেষ্ট চেম্পিয়নশ্বিপৰ ফাইনেল মেচত টিম ইণ্ডিয়াৰ সন্মুখত অষ্ট্ৰেলিয়াৰ প্ৰত্যাহ্বান। বিৰাট কোহলি আৰু মহম্মদ ছিৰাজকে ধৰি বহু ভাৰতীয় খেলুৱৈয়ে বিশ্ব টেষ্ট চেম্পিয়নশ্বিপৰ ফাইনেলৰ বাবে ইংলেণ্ডলৈ ৰাওনা হৈছে। আনহাতে, বাকী খেলুৱৈসকলে আই পি এলৰ ফাইনেলৰ পাছত ইংলেণ্ডলৈ ৰাওনা হ’ব৷ কিন্তু বিশ্ব টেষ্ট চেম্পিয়নশ্বিপৰ ফাইনেলৰ পূৰ্বে ভাৰতীয় খেলুৱৈৰ এটা ভিডিঅ’ ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে। ছ’চিয়েল মিডিয়াত ভাইৰেল হোৱা ভিডিঅ’টোত টীম ইণ্ডিয়াৰ খেলুৱৈসকলক প্ৰশিক্ষণত ব্যস্ত থকা দেখা গৈছে। অক্ষৰ পেটেল আৰু উমেশ যাদৱকে ধৰি বহু ভাৰতীয় খেলুৱৈক এই ভিডিঅ’টোত দেখা গৈছে। ইয়াৰ বাহিৰেও ছ’চিয়েল মিডিয়া ব্যৱহাৰকাৰীসকলে অহৰহ মন্তব্য দি নিজৰ মতামত দি আহিছে।