নিয়মীয়া বাৰ্তা, ৩জুনঃ উত্তৰাখণ্ডৰ উপ নিৰ্বাচনত বৃহৎ সংখ্যক ভোটত জয়ী হ’ল মুখ্যমন্ত্ৰী তথা চম্পাৱত সমষ্টিৰ বিজেপি প্ৰাৰ্থী পুষ্কৰ সিং ধামী। কংগ্ৰেছ প্ৰাৰ্থী নিৰ্মলা গহতোৰীক প্ৰায় ৫৪ হাজাৰ ভোটত পৰাস্ত কৰে ধামীয়ে ।
৫৪ হাজাৰৰো অধিক ভোট লাভ কৰি চম্পাৱতৰ উপ-নিৰ্বাচনত ঐতিহাসিক জয়লাভ কৰিছে মুখ্যমন্ত্ৰী পুষ্কৰ সিং ধামীয়ে। মুখ্যমন্ত্ৰীৰ নিৰ্বাচনত জয়ী হোৱাৰ ঘোষণাৰ লগে লগে বিজেপি কৰ্মীসকলে আনন্দ উৎসৱ উদযাপন কৰাৰ সমান্তৰালকৈ মুখ্যমন্ত্ৰী ধামীয়েও ফলাফলৰ লগে লগে জনসাধাৰণৰ প্ৰতি কৃতজ্ঞতা জ্ঞাপন কৰে।
উল্লেখ্য যে উত্তৰাখণ্ডৰ বিধানসভা নিৰ্বাচনত পুষ্কৰ সিং ধামীৰ নেতৃত্বত বিজেপি অৱতীৰ্ণ হৈছিল । বিজেপিয়ে নিৰ্বাচনত জয়ী হয় যদিও পুষ্কৰ সিং ধামী খতিমা সমষ্টিৰ পৰা প্ৰতিদ্বন্দিতা আগবঢ়াই পৰাজয়ৰ সন্মুখীন হৈছিল । ইয়াৰ পাছতো দলে পুষ্কৰ সিং ধামীকে মুখ্যমন্ত্ৰীৰ আসনত বহুৱাইছিল ।