নিয়মীয়া বাৰ্তা, ২৮ জানুৱাৰীঃ মহাৰাষ্ট্রৰ ভাণ্ডাৰা জিলাত বাঘৰ আক্রমণৰ মুখত পৰা এজন মানুহে মৃত ভাও ধৰি ৰক্ষা পোৱা ঘটনাৰ ভিডিঅ’ই দেশজুৰি চাঞ্চল্যৰ সৃষ্টি কৰিছে ৷ ইতিমধ্যে ছ’চিয়েল মিডিয়াত ভাইৰেল হৈছে এই ভিডিঅ’ ৷ বাঘে খেদি নি এজন লোকক আক্রমণ কৰিবলৈ লোৱা অৱস্থাতে লোকজনে মূৰ আছাৰ খাই পৰি যায় ৷ তেতিয়াই বাঘে আহি লোকজনৰ মূৰৰ ওচৰতে বহি লয় ৷
You want to see how does a narrow escape looks like in case of encounter with a #tiger. #Tiger was cornered by the crowd. But fortunately end was fine for both man and tiger. Sent by a senior. pic.twitter.com/1rLZyZJs3i
— Parveen Kaswan, IFS (@ParveenKaswan) January 25, 2020
লগে লগে বাঘৰ এই সম্ভাব্য আক্রমণৰ পৰা জীৱন ৰক্ষা কৰিবলৈ লোকজনে মৃত ভাও জোৰে ৷ লক্ষণীয়ভাৱে মানুহজনৰ নিথৰ দেহ দেখি বাঘটোৱে আক্রমণ কৰাৰ পৰা বিৰত থাকে ৷ তেতিয়াই এদল লোকে খেদি আহি বাঘটোৰ ওচৰ পায় ৷ বহু মানুহক একেলগে খেদি অহা দেখাৰ লগে লগে বাঘে পলাই পত্রং দিয়ে ৷ ২৫ জানুৱাৰীত সংঘটিত এই ঘটনাই এতিয়া ছ’চিয়েল মিডিয়াত জ্বৰ তোলা সময়তে বন বিভাগৰ এগৰাকী বিষয়াই উল্লেখ কৰিছে যে উপস্থিত বুদ্ধিৰ জৰিয়তে যিকোনো লোকে অন্তিম মুহূর্তত হ’লেও জীৱন ৰক্ষা কৰিবলৈ সক্ষম হয় ৷
Here’s the full video pic.twitter.com/Avvci4Bnhg
— WTF ?? (@Tweetbis0n) January 25, 2020