সামুদ্ৰিক সীমা উলংঘাঃ নিজৰ জলসীমাত মাছ ধৰাৰ অপৰাধত ৮ ভাৰতীয় মাছমৰীয়াক আটক শ্ৰীলংকা নৌসেনাৰ

বিশেষ বাৰ্তা, ২০ ছেপ্টেম্বৰঃ শ্ৰীলংকাৰ নৌসেনাই নিজৰ জলসীমাত মাছ ধৰাৰ অভিযোগত ৮ ভাৰতীয় মাছমৰীয়াক আটক কৰাৰ খবৰ পোৱা গৈছে। উল্লেখ্য যে কালি নিশাৰ ভাগত ভাৰতীয় মাছমৰীয়াকেইজনক শ্ৰীলংকাৰ নৌসেনাই তেওঁলোকৰ জলসীমাত মাছ ধৰাৰ অভিযোগত উঠাই লৈ যায় বুলি বিষয়াসকলে জনায়। জানিব পৰা মতে সামুদ্ৰিক সীমা উলংঘা কৰাৰ অভিযোগত শ্ৰীলংকাৰ নৌসেনাই তামিলনাডুৰ ৰামেশ্বৰমৰ ওচৰৰ পৰা আঠজন ভাৰতীয় মাছমৰীয়াক আটক কৰিছে। ৰাজ্যৰ পুডুকোটাই জিলাৰ পৰা অহা মাছমৰীয়াকেইজন। মীন বিভাগৰ বিষয়াসকলে জনোৱা মতে, সোমবাৰে সন্ধিয়া সেই দেশৰ জলসীমাত মুল্লাইথিভু আৰু নেদুনথিভুৰ মাজৰ জলভাগত মাছ ধৰাৰ অভিযোগত লংকাৰ নৌসেনাই তেওঁলোকক আটক কৰিছিল। লগতে এখন নাৱো জব্দ কৰা হয়। ইফালে ঘটনাৰ পিছতে বিজেপিৰ ৰাজ্যিক সমিতিয়ে বৈদেশিক পৰিক্ৰমা মন্ত্ৰী এছ জয়শংকৰৰ সৈতে বিষয়টো আলোচনা কৰে। বিজেপিৰ ৰাজ্যিক সভাপতি কে আন্নামালাইয়ে জয়শংকৰলৈ পত্ৰ লিখি আটক কৰা মাছমৰীয়াসকলক আগতীয়াকৈ ঘূৰাই পঠোৱাৰ বাবে তেওঁৰ সমৰ্থন বিচাৰিছিল। তেওঁ শ্ৰীলংকাৰ নৌসেনাই বন্দী কৰা নাওসমূহ উদ্ধাৰ কৰাৰ ক্ষেত্ৰত মন্ত্ৰী জয়শংকৰৰ সমৰ্থনৰ বাবেও অনুৰোধ জনায়।