বিশেষ বাৰ্তা, ১৫ জুনঃ সৰু সৰু কেফে আৰু ৰেষ্টুৰেণ্টৰ মালিকসকলৰ বাবে ইণ্টাৰনেট এটা ডাঙৰ আশীৰ্বাদ হৈ আহিছে। বিশ্বৰ মানুহে তেওঁলোকে নজনা খাদ্যৰ দোকানবোৰ চিনি পাইছে ছ’চিয়েল মিডিয়াৰ বাবেই। শেহতীয়াকৈ কাশ্মীৰৰ এখন ধুনীয়া কেফেৰ ভিডিঅ’ পোহৰলৈ আহিছে। এই কেফেখন ভাৰতীয় সেনাৰ দ্বাৰা পৰিচালিত। এই কেফেৰ ভিডিঅ’টো টুইটাৰত শ্বেয়াৰ কৰিছে প্ৰখ্যাত উদ্যোগপতি আনন্দ মহিন্দ্ৰাই আৰু তেতিয়াৰ পৰাই ই ভাইৰেল হৈ পৰিছে। টুইটত আনন্দ মহিন্দ্ৰাই লিখিছে যে মোৰ দৃষ্টিত এই কেফেখন পঞ্চ তাৰকা নহয়, সপ্ত তাৰকাও নহয়, দশ তাৰকাযুক্ত গন্তব্যস্থানহে।
As far as I’m concerned, this Cafe is not a 5 star, nor a 7 star, but a 10 star destination! pic.twitter.com/oQZvEOanlT
— anand mahindra (@anandmahindra) June 11, 2022
লগ হাট কেফে নামেৰে জনাজাত এই ঠাইখন পাহাৰৰ মাজত গুৰেজ উপত্যকাত অৱস্থিত। তেওঁলোকে গ্ৰাহকক বিভিন্ন ধৰণৰ জলপান আৰু পানীয় পৰিবেশন কৰাৰ লগতে বাহিৰৰ এক মনোৰম দৃশ্যও উপভোগ কৰিবলৈ সুযোগ দিয়ে। ভিডিঅ’ ক্লিপটো প্ৰথমে গৰিমা গোৱেল নামৰ এগৰাকী ব্লগাৰে শ্বেয়াৰ কৰিছিল। ইতিমধ্যে এই ভিডিঅ’টোৱে ৫২৫হাজাৰতকৈ অধিক ভিউ আৰু প্ৰায় ২০হাজাৰ লাইক লাভ কৰিছে। আপোনাৰ নজৰত পৰা এনে কোনো আকৰ্ষণীয় কেফে আছে নেকি? আনন্দ মহিন্দ্ৰাই শ্বেয়াৰ কৰা কেফেখনৰ বিষয়ে কি ভাবিছে? তলত কমেন্টত জনাওক।