বিশেষ বাৰ্তা, ১০ জুনঃ অক্ষত অজয় শৰ্মাৰ ছবি ‘হাদ্দি’ত দেখা যাব বলীউডৰ অভিনেতা নৱাজুদ্দিন ছিদ্দিকীক। ছবিখনৰ ফাৰ্ষ্ট লুকত নৱাজুদ্দিনৰ ট্ৰেন্সজেণ্ডাৰ লুক দেখা গৈছে, যিটো চলচ্চিত্ৰপ্ৰেমীয়েও ভাল পাইছে। পোষ্টাৰখনত তেওঁক শাড়ী আৰু গধুৰ গহনা পিন্ধা দেখা গৈছে। সৰু চহৰৰ ল’ৰা হৰিৰ কাহিনী এই ছবিখনত দেখুওৱা হ’ব, য’ত ভাৰতৰ ট্ৰেন্সজেণ্ডাৰ সমাজৰ বাস্তৱতা দেখুওৱা হ’ব। এই ছবিখন প্ৰযোজনা কৰিছে ৰাধিকা নন্দই। ৰাধিকাই কয়- নৱাজুদ্দিনে বুজি পাইছিল যে মহিলাসকলৰ বাবে প্ৰতিদিনে সাজু হোৱাটো কিমান কঠিন। লুকটো ফাইনেল কৰিবলৈ আমাক ৬ মাহ লাগিল। বহু মেক-আপ আৰ্টিষ্টৰ পৰা আমি পৰামৰ্শ ল’বলগীয়া হৈছিল। নৱাজুদ্দিনক প্ৰশংসা কৰি ৰাধিকাই কয় যে নৱাজ অতি সৎ, অনুশাসিত আৰু কঠোৰ পৰিশ্ৰমী অভিনেতা। তেওঁ কয় যে তেওঁ সমগ্ৰ শ্বুটিঙৰ বাবে ৮০খন শাড়ী ব্যৱহাৰ কৰিছে। এনে চাৱনিত যেতিয়া নৱাজে প্ৰথমবাৰৰ বাবে আইনাত নিজকে দেখা পায়, তেতিয়া তেওঁ আনন্দত উৎফুল্লিত হৈ পৰে।