বিশেষ বাৰ্তা, ১৯ অক্টোবৰ : হলীউডৰ বর্ষীয়ান অভিনেতা বার্ট য়ঙৰ দেহাৱসান ঘটিছে৷ ‘ৰকি’ ছবিত অভিনেতা ছিলভেষ্টাৰ ষ্টেলিনৰ সৈতে অভিনয় কৰি দর্শকৰ নজৰ কাঢ়িছিল বার্ট য়ঙে৷ ৮ অক্টোবৰত লছ এঞ্জেলছত য়ঙে শেষ নিশ্বাস ত্যাগ কৰে যদিও শেহতীয়াকৈ সংবাদ মাধ্যমে প্রকাশ কৰিছে এই খবৰ৷ মৃত্যুৰ সময়ত য়ঙৰ বয়স হৈছিল ৮৩ বছৰ৷ মৃত্যুৰ প্রায় দুসপ্তাহ পিছত অভিনেতাগৰাকীৰ মেনেজাৰে এই খবৰ প্রকাশ কৰে৷ শৈশৱতে স্কুলৰ প্রথাগত শিক্ষা শেষ কৰি জনপ্রিয় নির্দেশক লি ষ্ট্রছবার্গৰ অধীনত অভিনয় শিক্ষাৰ প্রশিক্ষণ ল’বলৈ আৰম্ভ কৰে বার্টে৷ ১৯৫৭ চনত আমেৰিকাৰ নৌ বাহিনীত যোগদান কৰা বার্টৰ প্রথম ছবি আছিল ১৯৭০ চনৰ ‘কাৰ্নিভেল অৱ ব্লাড’৷