🔹 অযোধ্যাত মোদীৰ পদার্পণৰ পিছতে আব্দুল্লাৰ মন্তব্য
নিয়মীয়া ডিজিটেল ডেস্ক, ৩০ ডিচেম্বৰ : অযোধ্যাত প্রধানমন্ত্রী নৰেন্দ্র মোদীয়ে আজি ৰে’ল ষ্টেচন আৰু বিমানবন্দৰ উদ্বোধনৰ উপৰি মেগা ৰোড শ্ব’ত অংশগ্রহণ কৰাৰ সময়তে জম্মু–কাশ্মীৰৰ প্রাক্তন মুখ্যমন্ত্রী ফাৰুক আব্দুল্লাই ৰাম মন্দিৰ সন্দর্ভত মুখ খুলিলে৷ বর্ষীয়ান নেতাগৰাকীয়ে মন্তব্য কৰে যে ভগৱান ৰাম অকল হিন্দুৰেই নহয় ! সংবাদ সংস্থা এএনআইৰ সূত্রই সদৰী কৰা অনুসৰি, আজি নেচনেল কনফাৰেন্সৰ মুৰব্বী আব্দুল্লাই কয়– ‘অযোধ্যাত ৰাম মন্দিৰ উদ্বোধন হ’ব৷ যিসকলে এই মন্দিৰ গঢ়ি তুলিবলৈ দিন–ৰাতি পৰিশ্রম কৰিছে, তেওঁলোকলৈ অভিনন্দন৷ ভগৱান ৰাম অকল হিন্দুসকলৰেই নহয়, ৰাম সমগ্র বিশ্ববাসীৰ৷’ ভাতৃত্ব, প্রেম আৰু একতাৰ প্রতীক ৰাম বুলিও উল্লেখ কৰে আব্দুল্লাই৷