নিয়মীয়া বাৰ্তা, ২৭ ফেব্ৰুৱাৰীঃ হৰমনপ্রীত কৌৰ নেতৃত্বাধীন ভাৰতীয় মহিলা দলটোৱে চলিত মহিলা টি–২০ বিশ্বকাপত ক্রমাগত তৃতীয়টো জয়ৰ লক্ষ্যৰে আজি খেলপথাৰত নামিব৷ মেলব’নত হ’বলগীয়া মেচখনত ভাৰতীয় দলটোৰ প্রতিদ্বন্দ্বী হ’ব শক্তিশালী নিউজিলেণ্ড৷
আই চি চিৰ সন্মানীয় প্রতিযোগিতাখনৰ উদ্বোধনী মেচখনত ডিফেণ্ডিং চেম্পিয়ন অষ্ট্রেলিয়া আৰু দ্বিতীয়খন মেচত বাংলাদেশক পৰাস্ত কৰি আত্মবিশ্বাস তুংগত থকা ভাৰতীয় দলটোৱে আজিৰ মেচখনতো নিউজিলেণ্ডক পৰাস্ত কৰিব পাৰিব বুলি আত্মবিশ্বাসী৷ এই গুৰুত্বপূর্ণ মেচখনতো অ’পেনাৰ শেফালি বার্মাৰ পৰা বিস্ফোৰক ইনিংছৰ আশা কৰিছে অধিনায়িকা হৰমনপ্রীত কৌৰে৷ কাইলৈ এই মেচখনত যিটো দলে জয়লাভ কৰিব, সেই দলটোৱে গ্রুপ এৰ পইণ্ট তালিকাত শীর্ষস্থানটো লাভ কৰিব আৰু ছেমিফাইনেলত প্রৱেশ কৰাৰ পথ প্রশস্ত হ’ব৷
খেলৰ সময়ঃ পুৱা ৯.৩০ বজা