নিয়মীয়া বাৰ্তা, ১১ মাৰ্চঃ বুধবাৰে ভাৰতীয় জনতা পাৰ্টীত যোগদান কৰা মধ্যপ্ৰদেশৰ কংগ্ৰেছ নেতা জ্যোতিৰাদিত্য সিন্ধিয়ালৈ বিশেষ উপহাৰ বিজেপিৰ । ২৬ মাৰ্চত হ’ব লগা ৰাজ্যসভা নিৰ্বাচনৰ বাবে মধ্যপ্ৰদেশৰ পৰা বিজেপিৰ প্ৰাৰ্থীৰূপে প্ৰক্ষেপ কৰা হ’ব জ্যোতিৰাদিত্যক ।
বুধবাৰে বিয়লি বিজেপিৰ কেন্দ্ৰীয় কাৰ্যালয়ৰ পৰা প্ৰকাশিত এক জাননীৰ জৰিয়তে ৰাজ্যসভা নিৰ্বাচন অনুষ্ঠিত হ’ব লগা আটাইকেইখন ৰাজ্যৰে প্ৰাৰ্থী ঘোষণা কৰে বিজেপিয়ে । অসমৰ পৰা এই জাননীত ভুবনেশ্বৰ কলিতাৰ নাম প্ৰকাশ হোৱাৰ লগতে মধ্যপ্ৰদেশৰ পৰা জ্যোতিৰাদিত্য সিন্ধিয়াৰ নাম প্ৰকাশিত হৈছে ।
উল্লেখ্য যে, ১৮ টা বছৰে কংগ্ৰেছত লালিত পালিত জ্যোতিৰাদিত্য সিন্ধিয়াই মঙলাবাৰে পদত্যাগ কৰে কংগ্ৰেছৰ পৰা । পদত্যাগৰ ২৪ ঘণ্টাৰ পাচতেই বুধবাৰে বিজেপিৰ কেন্দ্ৰীয় অধ্যক্ষ জেপি নাড্ডাৰ উপস্থিত কেন্দ্ৰীয় কাৰ্যালয়ত বিজেপিত যোগদান কৰে সিন্ধিয়াই । যোগদানৰ মাত্ৰ তিনি ঘণ্টাৰ পাচতেই বিজেপিয়েও জ্যোতিৰাদিত্য সিন্ধিয়ালৈ আগবঢ়ালে ৰাজ্যসভাৰ সাংসদৰ উপহাৰ ।