নিয়মীয়া বাৰ্তা ডিজিটেল, ৭ ডিচেম্বৰঃ বাংলাদেশত মৌলবাদীয়ে হিন্দু আৰু হিন্দু মন্দিৰৰ ওপৰত আক্ৰমণ অব্যাহত ৰাখিছে। কালি নিশা ঢাকাত আন এটা হিন্দু মন্দিৰক লক্ষ্য কৰি লোৱাৰ খবৰ আহিছে। স্থানীয় সংবাদ মাধ্যমৰ বাতৰি অনুসৰি শুকুৰবাৰে নিশা ইস্কন নামহট্টা মন্দিৰ ঢাকাত মৌলবাদীয়ে আক্ৰমণ কৰে। প্ৰথমে মন্দিৰটো ভাঙি পেলোৱা হৈছিল, তাৰ পিছত দেৱতাৰ মূৰ্তিবোৰত জুই লগাইছিল। বাংলাদেশত অৱস্থিত এই মন্দিৰটো ইস্কনে পৰিচালনা কৰি আছিল। এই আক্ৰমণৰ পিছত হিন্দু সংগঠনসমূহে পুনৰ অভিযোগ উত্থাপন কৰিছে যে মৌলবাদীসকলে সংখ্যালঘু হিন্দুসকলক অহৰহ লক্ষ্য কৰি লৈছে আৰু মহম্মদ ইউনুছ এজন বোবা দৰ্শক হৈয়েই আছে। উল্লেখ্য যে শ্ৰীশ্ৰীলক্ষ্মী নাৰায়ণৰ দেৱতা আৰু মন্দিৰৰ ভিতৰত থকা সকলো সামগ্ৰী, সম্পূৰ্ণৰূপে জ্বলাই দিয়া হয়। এই কেন্দ্ৰটো ঢাকাত অৱস্থিত। পুৱতিনিশা ২-৩ বজাৰ ভিতৰত দুস্কৃতিকাৰীয়ে মন্দিৰটোত অগ্নিসংযোগ কৰে। উল্লেখ্য যে শ্বেখ হাছিনাক উৎখাত কৰাৰ পিছৰে পৰা হিন্দুৰ ওপৰত আক্ৰমণৰ ঘটনা বাঢ়িছিল যদিও দেশদ্ৰোহৰ অভিযোগত ২৫ নৱেম্বৰত ঢাকাত সমিষ্ট সনাতনী জাগৰণ জোঁটৰ সৈতে জড়িত চিন্ময় কৃষ্ণ দাসক গ্ৰেপ্তাৰ কৰাৰ পিছত এই ঘটনা আৰু বৃদ্ধি পাইছে। মৌলবাদীসকলে অহৰহ হিন্দু মন্দিৰক লক্ষ্য কৰি লৈছে। যোৱা ৩১ অক্টোবৰত স্থানীয় ৰাজনীতিবিদ এজনে হিন্দু সম্প্ৰদায়ৰ সমাৱেশৰ সময়ত চিন্ময় দাসকে ধৰি বাংলাদেশৰ জাতীয় পতাকাক অপমান কৰাৰ অভিযোগ উত্থাপন কৰি চিন্ময় দাসক গ্ৰেপ্তাৰ কৰিছিল। তেওঁ বৰ্তমান জেলত আছে। আৰু অহা ২ জানুৱাৰীতহে এই ঘটনাৰ শুনানিৰ দিন ধাৰ্য কৰা হৈছে।