নিউজ ডেস্ক, ২৪ ডিচেম্বৰ : চলিত ব’ৰ্ডাৰ–গাভাস্কাৰ ট্ৰফীৰ তৃতীয় টেষ্টৰ পিছতে আন্তঃৰাষ্ট্রীয় ক্রিকেটৰ পৰা অৱসৰ গ্রহণ কৰা অশ্বিনৰ স্থানত ভাৰতীয় দলটোত অন্তর্ভুক্ত কৰিছে মুম্বাইৰ স্পিনাৰ তনুষ কোটিয়ানক৷ অষ্ট্রেলিয়াৰ বিপক্ষে চলিত শৃংখলাৰ অন্তিম দুখন টেষ্টত কোটিয়ানক ভাৰতীয় দলটোত অন্তর্ভুক্ত কৰিছে বিচিচিআয়ে৷ প্রথমবাৰৰ বাবে টীম ইণ্ডিয়ালৈ আমন্ত্রণ লাভ কৰিছে কোটিয়ানে৷ আজি কোটিয়ানে মেলব’ৰ্নলৈ উৰা মাৰিব৷ ২৬ বর্ষীয় কোটিয়ানে ৩৩খন প্রথম শ্রেণীৰ খেলত ১০১টা উইকেট লাভ কৰিছে৷