নিউজ ডেস্ক, ২৭ ডিচেম্বৰ : মেলব’ৰ্ন ক্রিকেট গ্রাউণ্ডত টীম ইণ্ডিয়াৰ হৈ সর্বাধিক উইকেট দখল কৰাৰ নজিৰ গঢ়ে তাৰকা পেচ বলাৰ যশপ্রীত বুমৰাহে৷ ঘৰুৱা দল অষ্ট্রেলিয়াৰ বিপক্ষে কালিৰ পৰা আৰম্ভ হোৱা তৃতীয় টেষ্টৰ প্রথম দিনা অষ্ট্রেলিয়াৰ প্রথম ইনিংছত তিনিটা উইকেট দখল কৰি এই কৃতিত্ব অর্জন কৰে বুমৰাহে৷ এমচিজিত এতিয়ালৈকে বুমৰাহে ১৮টা উইকেট দখল কৰি টীম ইণ্ডিয়াৰ প্রাক্তন তাৰকা স্পিনাৰ অনিল কুম্বলেৰ অভিলেখটো ভংগ কৰে৷ কুম্বলেই এমচিজিত ১৫টা উইকেট দখল কৰিছিল৷ ইফালে, বুমৰাহে টীম ইণ্ডিয়াৰ প্রাক্তন তাৰকা স্পিনাৰ ৰবিচন্দ্রন অশ্বিনৰ এক অভিলেখ স্পর্শ কৰে৷ চলিত ব’ৰ্ডাৰ–গাভাস্কাৰ ট্রফী টেষ্ট শৃংখলাৰ প্রথম তিনিখন টেষ্টত উন্নত বলিং প্রদর্শন দাঙি ধৰি আইচিচি টেষ্ট ৰেংকিঙৰ বলিং শাখাত অতিৰিক্ত ১৪ ৰেটিং পইণ্ট অর্জন কৰে আৰু ইয়াৰ লগে লগে বুমৰাহৰ ৰেটিং পইণ্ট কেৰিয়াৰশ্রেষ্ঠ ৯০৪ লৈ বৃদ্ধি হয় আৰু ২০১৬ চনৰ ডিচেম্বৰত অশ্বিনে গঢ়া অভিলেখটো স্পর্শ কৰে৷