🔹 গোচৰ ৰুজু কৰি তদন্ত আৰম্ভ আৰক্ষীৰ
নিউজ ডেস্ক, ২৪ জানুৱাৰী : কবৰৰ পৰা চুৰি হৈছে কংকালৰ লাওখোলা মাটি খান্দি কোনে এই ধৰণে কবৰৰ মৃতদেহৰ লাওখোলা চুৰি কৰিছে, তাক লৈ হুলস্থূলৰ সৃষ্টি হৈছে গঞাৰ মাজত৷ বিহাৰৰ ভাগলপুৰ জিলাৰ আশ্রফনগৰৰ বাসিন্দাসকলৰ মাজত উত্তপ্ত পৰিস্থিতিৰ সৃষ্টি হৈছে বিষয়টোক লৈ৷ ইতিমধ্যে এই ঘটনাক লৈ তদন্ত আৰম্ভ কৰিছে আৰক্ষীয়ে৷ কিন্তু এতিয়াও কবৰস্থানৰ পৰা মৃতদেহৰ লাওখোলা চুৰিৰ ঘটনাক লৈ কোনো লোকক গ্রেপ্তাৰ কৰিব পৰা নাই আৰক্ষীয়ে৷ শেহতীয়াকৈ যোৱা দেওবাৰে স্থানীয় কবৰস্থানৰ পৰা এটি কবৰৰ মৃতদেহৰ লাওখোলা নোহোৱা হোৱা ঘটনাৰ অভিযোগ পোৱাৰ পিছতে আৰক্ষীয়ে এটা গোচৰ ৰুজু কৰি তদন্ত আৰম্ভ কৰিছে৷ লক্ষণীয়ভাৱে এমাহৰ পৰা ছমাহৰ ভিতৰত মৃত্যু হোৱা লোকৰ মৃতদেহৰ লাওখোলা চুৰি হৈছে কবৰস্থানৰ পৰা৷