G7 শীৰ্ষ সন্মিলন-ৰ বাবে কানাডাত উপস্থিত প্ৰধানমন্ত্ৰী মোদী, জানক সম্পূৰ্ণ সূচী

G7 শীৰ্ষ সন্মিলন-ৰ বাবে কানাডাত উপস্থিত প্ৰধানমন্ত্ৰী মোদী, জানক সম্পূৰ্ণ সূচী

নিউজ ডেস্ক, ১৭ জুন : কানাডাৰ কেলগাৰীত উপস্থিত হৈছে প্ৰধানমন্ত্ৰী নৰেন্দ্ৰ মোদী। ইয়াত তেওঁ ৫১সংখ্যক জি-৭ সন্মিলনত অংশগ্ৰহণ কৰিব। যি সময়ত ইৰান আৰু ইজৰাইলৰ মাজত বিশ্বত অহৰহ উত্তেজনা বৃদ্ধি পাইছে, সেই সময়ত এই ভ্ৰমণ চৰ্চাৰ বিষয় হৈছে। ইয়াৰ পূৰ্বে প্ৰধানমন্ত্ৰীয়ে চাইপ্ৰাছ ভ্ৰমণ সম্পূৰ্ণ কৰি চাইপ্ৰাছৰ ৰাষ্ট্ৰপতি নিকোছ ক্রিষ্টোডুলিডেছৰ সৈতে বিতং আলোচনাত মিলিত হয়৷ দুয়োখন দেশৰ মাজত দ্বিপাক্ষিক সম্পৰ্ক সুদৃঢ় কৰাৰ সন্দৰ্ভত আলোচনা হয়।

বৈদেশিক পৰিক্ৰমা মন্ত্ৰালয়ে এই ভ্ৰমণক ছ’চিয়েল মিডিয়া প্লেটফৰ্ম এক্সত “স্মৰণীয়” বুলি অভিহিত কৰে আৰু প্ৰধানমন্ত্ৰী মোদীয়ে চাইপ্ৰাছৰ ৰাষ্ট্ৰপতি আৰু তাত থকা জনসাধাৰণকো তেওঁলোকৰ উষ্ম আতিথ্যৰ বাবে ধন্যবাদ জনায়। প্ৰধানমন্ত্ৰী মোদীয়ে বৰ্তমান চাইপ্ৰাছ, কানাডা আৰু ক্ৰ’ৱেচিয়াকে ধৰি তিনিখন দেশৰ চাৰিদিনীয়া ভ্ৰমণত আছে। জি-৭ শীৰ্ষ সন্মিলনৰ পিছত তেওঁৰ পৰৱৰ্তী ষ্টপ হ’ব ক্ৰ’ৱেচিয়া।

আলবাৰ্টা প্ৰদেশৰ কানানাস্কিছত অনুষ্ঠিত হৈ আছে জি-৭ শীৰ্ষ সন্মিলন

এইবাৰৰ জি-৭ সন্মিলন কানাডাৰ আলবাৰ্টা প্ৰদেশৰ কানানাস্কিছত অনুষ্ঠিত হৈছে। যি সময়ত বিশ্বৰ একাংশ দেশে ইজনে সিজনৰ বিৰুদ্ধে মুকলিকৈ যুদ্ধক্ষেত্ৰত প্ৰৱেশ কৰিছে। ইজৰাইল আৰু ইৰানৰ মাজত ক্ৰমাৎ বৃদ্ধি পোৱা সংঘাত আৰু ৰাছিয়া-ইউক্ৰেইন যুদ্ধৰ পটভূমিত এই বৈঠকক অতি গুৰুত্বপূৰ্ণ বুলি বিবেচিত হৈছে।

কানাডাৰ প্ৰধানমন্ত্ৰীৰ সৈতে দ্বিপাক্ষিক আলোচনাৰ সম্ভাৱনা

কানাডাৰ প্ৰধানমন্ত্ৰী মাৰ্ক কাৰ্নি আৰু আন বহু জি-৭ আৰু আমন্ত্ৰিত দেশৰ নেতাৰ সৈতে প্ৰধানমন্ত্ৰী মোদীৰ দ্বিপাক্ষিক বৈঠকৰ কথা। খালিস্তানী বিচ্ছিন্নতাবাদী হৰদীপ সিং নিজাৰক হত্যা কৰাৰ পিছত অতি উত্তেজিত হৈ পৰা ভাৰতৰ সৈতে কানাডাৰ নতুন চৰকাৰে সম্পৰ্ক উন্নত কৰাৰ উদ্দেশ্যেৰে জি-৭ শীৰ্ষ সন্মিলনলৈ কাৰ্নীয়ে মোদীক আমন্ত্ৰণ জনোৱাৰ ইংগিত পোৱা গৈছে।

ট্ৰাম্পক সাক্ষাৎ কৰিব নোৱাৰিব প্ৰধানমন্ত্ৰী মোদীয়ে?

আমেৰিকাৰ ৰাষ্ট্ৰপতি ড’নাল্ড ট্ৰাম্পে শীৰ্ষ সন্মিলনৰ মাজভাগত এৰি কিছু সময়ৰ পিছত আমেৰিকালৈ উভতি যায়। আজি পুৱা হোৱাইট হাউছে কয় যে মধ্যপ্ৰাচ্যৰ উত্তেজনাৰ বাবেই ট্ৰাম্পে এই সিদ্ধান্ত গ্ৰহণ কৰিছে। সোমবাৰে হোৱাইট হাউছৰ প্ৰেছ সচিব কেৰ’লিন লেভিটে কয় যে মধ্যপ্ৰাচ্যত ক্ৰমাৎ উত্তেজনা বৃদ্ধি পোৱাৰ বাবে আমেৰিকাৰ ৰাষ্ট্ৰপতি ড’নাল্ড ট্ৰাম্পে জি-৭ শীৰ্ষ সন্মিলনৰ পৰা এদিন আগতে, সোমবাৰে নিশাই ওলাই যায়। এনে পৰিস্থিতিত ট্ৰাম্পে প্ৰধানমন্ত্ৰী মোদীক লগ পোৱাৰ সম্ভাৱনা নাই।

বিশ্বব্যাপী বিষয়ৰ ওপৰত আলোচনা কৰা হ’ব

ইয়াৰ পূৰ্বে বৈদেশিক পৰিক্ৰমা মন্ত্ৰালয়ে জনাইছিল যে প্ৰধানমন্ত্ৰী নৰেন্দ্ৰ মোদীয়ে জি-৭ দেশ, আমন্ত্ৰিত দেশ আৰু আন্তঃৰাষ্ট্ৰীয় সংস্থাৰ মুৰব্বীসকলৰ সৈতে শক্তি সুৰক্ষা, প্ৰযুক্তি আৰু উদ্ভাৱন, এআই আৰু শক্তি সহযোগিতা আৰু কোৱাণ্টাম প্ৰযুক্তিৰ দৰে গুৰুত্বপূৰ্ণ বিশ্বব্যাপী বিষয়সমূহৰ ওপৰত আলোচনা কৰিব।

জি-৭ সন্মিলনত প্ৰধানমন্ত্ৰী মোদীৰ ভাষণ

আজি বিয়লি অনুষ্ঠিত হ’বলগীয়া জি-৭ আউটৰিচ ছামিটত অংশগ্ৰহণ কৰিব প্ৰধানমন্ত্ৰী মোদীয়ে আৰু তাত তেওঁৰ মতামত ভাগ কৰিব। এই সন্মিলনৰ কেন্দ্ৰবিন্দু হ’ব তিনিটা ডাঙৰ বিষয় :

বিশ্বৰ বিভিন্ন সম্প্ৰদায়ৰ নিৰাপত্তা
শক্তি সুৰক্ষা আৰু ডিজিটেল ৰূপান্তৰ ত্বৰান্বিত কৰা
ভৱিষ্যতৰ অংশীদাৰিত্ব নিশ্চিত কৰা

অপাৰেচন সিন্দূৰৰ পিছত প্ৰধানমন্ত্ৰী মোদীৰ প্ৰথম বিদেশ ভ্ৰমণ

এই সন্মিলনখন হৈছে প্ৰধানমন্ত্ৰী নৰেন্দ্ৰ মোদীৰ প্ৰথম বহুপক্ষীয় উপস্থিতি, যিটো মে’ মাহত পাকিস্তানত সন্ত্ৰাসবাদবিৰোধী অভিযান ‘অপাৰেচন সিন্দূৰ’ৰ সফলতাৰ পিছত অনুষ্ঠিত হৈছে।

ইউক্ৰেইন আৰু মেক্সিকোৰ নেতাসকলেও অংশগ্ৰহণ কৰিব

ইউক্ৰেইনৰ ৰাষ্ট্ৰপতি ভ’ল’ডিমিৰ জেলেনস্কিয়েও এই সন্মিলনত অতিথি নেতা হিচাপে অংশগ্ৰহণ কৰিব। ইউক্ৰেইন আৰু মেক্সিকো জি-৭ৰ সদস্য নহয় যদিও এইবাৰ দুয়োখন দেশৰ ৰাষ্ট্ৰপতিক এই সন্মিলনত অংশগ্ৰহণৰ বাবে আমন্ত্ৰণ জনোৱা হৈছে।