নিয়মীয়া বাৰ্তা, কামপুৰ, ৯ এপ্ৰিল : ৰহা সমষ্টিৰ অন্তৰ্গত কামপুৰৰ গুইমাৰীত ভোটগ্ৰহণৰ দিনাই এক ভয়ংকৰ পথ দুৰ্ঘটনা সংঘটিত হয়।
আজি দুপৰীয়া ভোটাধিকাৰ সাব্যস্ত কৰি ই-ৰিক্সাৰে ঘৰলৈ ওভতাৰ পথত তীব্ৰবেগী ট্ৰাকে মহটিয়াই নিয়ে ই-ৰিক্সাখন । এই ভয়ংকৰ দুৰ্ঘটনাটোত ই-ৰিক্সাখনত যাত্ৰী হিচাপে থকা কমল ডেকা আৰু দুলাল নাথ নামৰ দুজন লোক নিহত হয় ।
দুয়োকে সংকটজনক অৱস্থাত চিকিৎসালয়লৈ নিয়া হয় যদিও চিকিৎসা লাভৰ পূৰ্বে মৃত্যু হয়। নিৰ্বাচনী বতৰত এই কৰুণ ঘটনাই অঞ্চলটোত গভীৰ শোকৰ ছাঁ পেলাইছে। দুৰ্ঘটনা সংঘটিত কৰা ট্ৰাকখনৰ নং AS-01 NC-2747।