নিয়মীয়া বাৰ্তা, ২২ আগষ্টঃ ৰাজস্থান ৰয়েলছৰ সৈতে ডুবাইত উপস্থিত হৈছে অসমৰ চাৰিগৰাকীকৈ উদীয়মান ক্রিকেটাৰ৷ তেওঁলোক হ’ল বিগত বর্ষৰ আই পি এলত চমক সৃষ্টি কৰা ৰিয়ান পৰাগ আৰু ৰাজস্থান ৰয়েলছৰ নেট বলাৰ হিচাপে নির্বাচিত হোৱা উদীয়মান খেলুৱৈ মৃণ্ময় দত্ত, জিতুমণি কলিতা আৰু ৰাহুল সিং৷ বৃহস্পতিবাৰে সন্ধিয়া ৰাজস্থান ৰয়েলছৰ সতীর্থৰ সৈতে তেওঁলোক ডুবাইত উপস্থিত হয়৷ অনাগত ছদিন তেওঁলোক ক’ভিড প্রট’কল অনুসৰি আইছ’লেচনত থাকিব লাগিব৷ ইফালে, অসমৰ আন এগৰাকী উদীয়মান বেগী বলাৰ মুখতাৰ হুছেইনে কাইলৈ ছানৰাইজার্ছ দলৰ সৈতে ডুবাইলৈ উৰা মাৰিব৷