নিয়মীয়া বাৰ্তা, ২৩ জুলাইঃ উত্তৰ–পূর্বাঞ্চলৰ যুৱচামক অসামৰিক সেৱাত অংশগ্রহণ কৰি তেওঁলোকৰ প্রদর্শন উন্নত কৰিবলৈ উৎসাহিত কৰাৰ উদ্দেশ্যে দেশৰ আগশাৰীৰ অসামৰিক সেৱাৰ ক’চিং ইনষ্টিটিউট চাণক্য আই এ এছ একাডেমীয়ে অহা ২৫ জুলাইত এক অনলাইন/অফলাইন স্ক’লাৰশ্বিপ টেষ্ট অনুষ্ঠিত কৰাৰ কথা ঘোষণা কৰিছে৷
গুৱাহাটীস্থিত চাণক্য আই এ এছ একাডেমীত ক’চিং কৰাৰ সপোন পুহি ৰখাসকলৰ বাবে এয়া এক সোণালী সুযোগ৷ ইয়াৰ অধীনত যোগ্য শিক্ষার্থীসকলক প্রতিযোগিতামূলক পৰীক্ষাৰ ক’চিঙৰ বাবে জলপানি আগবঢ়োৱা হ’ব৷ ইয়াৰ ভিতৰত আছে ইউ পি এছ চি চিভিল ছার্ভিচ পৰীক্ষা, অসম অসামৰিক সেৱাৰ পৰীক্ষা (এ পি এছ চি)৷ এই পদক্ষেপৰ অধীনত লগতে শিক্ষার্থীসকলক দক্ষতা বিকাশ, ব্যক্তিত্বৰ বিকাশ আৰু কেৰিয়াৰ বিশেষ পৰামর্শও আগবঢ়োৱা হ’ব৷