নিয়মীয়া বাৰ্তা, ১০ জানুৱাৰীঃ আজি ৪৬ বছৰীয়া হ’ল বলিউডৰ হেণ্ডচাম হাংক ঋতিক ৰোশন । অভিনেতাগৰাকীৰ এই বিশেষ দিনটোত তেওঁৰ অনুৰাগীসকলৰ লগতে বলিউডৰ অভিনেতা-অভিনেত্ৰীসকলেও শুভেচ্ছা জনোৱা দেখা গ’ল ।
তেওঁৰ প্ৰাক্তন পত্নী চুচানী খানে ইনষ্টাগ্ৰামযোগে এটা ভিডিঅ’ আপলোড কৰি উপজাদিনৰ শুভেচ্ছা জ্ঞাপন কৰে । এই ভিডিঅ’টোত অভিনেতা ঋতিকৰ লগতে তেওঁলোকৰ দুই পুত্ৰ ক্ৰমে ঋধান ৰোশন আৰু ৰেহান ৰোশনকো দেখা গৈছে ।
ইপিনে এই বিশেষ দিনটোত ঋতিকৰ দেউতাক তথা ছবি পৰিচালক ৰাকেশ ৰোশনেও টুইটযোগে শুভেচ্ছা জনায় ।
ইয়াৰোপৰি পৰিয়ালৰ বাহিৰে অভিনেতাগৰাকীক অভিনেত্ৰী প্ৰীতি জিণ্টাই শুভেচ্ছা জনায় । প্ৰীতিয়ে ঋতিকৰ গালত চুম্বন কৰি থকা এখন আলোকচিত্ৰ টুইটাৰযোগে প্ৰকাশ কৰি উপজা দিনৰ শুভেচ্ছা জনাইছে ।
Happy birthday to the super talented, super hot, super fit & super sharp @iHrithik Love you loads today & always ❤️?? #Happybirthday #friendsforever #birthdayboy #ting pic.twitter.com/usiHLl4JG2
— Preity G Zinta (@realpreityzinta) January 10, 2020
উল্লেখ্য যে পূৰ্বে ঋতিকক অন্তিমবাৰৰ বাবে টাইগাৰ শ্ৰোফৰ সৈতে ‘ৱাৰ’ নামৰ ছবিখনত দেখা গৈছিল । এই ছবিখনে ২০১৯ বৰ্ষটোৰ ভিতৰতে সৰ্বাধিক উপাৰ্জন কাৰি ছবি ৰূপে ৩০০ কোটিৰ ঘৰ অতিক্ৰম কৰিছিল ।