নিয়মীয়া বাৰ্তা, নগৰবেৰা, ২৮ মাৰ্চঃ নগৰবেৰা আৰক্ষী থানাৰ অধীনস্থ ,নগৰবেৰা কলেজ ৰোডৰ কলিতা কেবিনৰ কাষৰ দুলাল সাহা নামৰ এজন ব্যৱসায়ীৰ ঘৰত আজি পুৱা ভয়ানক অগ্নিকাণ্ড সংঘটিত হয়| বৈদ্যুতিক শ্বৰ্ট চাৰ্কিটৰ ফলতেই জুঁইৰ সূত্ৰপাত ঘটাৰ অনুমান পৰিয়ালৰ লগতে স্থানীয় ৰাইজৰ| ৰাইজে বহু কষ্ট কৰি কোনোমতে জুঁইকুৰা নুমুৱাবলৈ সক্ষম হয়। আনহাতে খবৰ কৰাৰ প্ৰায় দুঘণ্টা পাছতহে ঘটনাস্থলীত উপস্থিত হয় অগ্নি নিৰ্বাপন বাহিনীৰ বাহন| ব্যৱসায়ীজনৰ ঘৰৰ উপৰি বুজন পৰিমানৰ ব্যৱসায়ৰ সা-সামগ্ৰীও জুঁইত জাহ যায়| স্থানীয় ৰাইজে ৰাষ্ট্ৰীয় ঘাই পথৰ পৰা প্ৰায় ২৫ কিঃ মিঃ নিলগৰ মফচলীয় চহৰ নগৰবেৰাত শীঘ্ৰে অগ্নি নিৰ্বাপন কেন্দ্ৰ এটা স্থাপনৰ বাবে দাবী জনাইছে |