নিয়মীয়া বাৰ্তা, ১২ মার্চ: লণ্ডনৰ পৰা মুম্বাই অভিমুখী এয়াৰ ইণ্ডিয়াৰ বিমানত বিমানখনৰ শৌচাগাৰত ধূমপান কৰি ধৰা পৰিল এজন ৩৭ বছৰীয়া যুৱক। অভিযুক্ত ৰত্নাকৰ কৰুণকান্ত দ্বিবেদীৰ বিৰুদ্ধে আইপিচিৰ ৩৩৬ ধাৰা আৰু ১৯৩৭ চনৰ বিমান আইনৰ ২২, ২৩ আৰু ২৫ ধাৰাত গোচৰ ৰুজু কৰিছে ছাহাৰ আৰক্ষীয়ে।
কেৱল এয়াই নহয়, কৰুণকান্তৰ বিৰুদ্ধে অভিযোগ উঠিছে যে তেওঁ সকলো ক্ৰু মেম্বাৰক চিঞৰিবলৈ আৰম্ভ কৰিছিল। কেনেবাকৈ ধৰা পৰি চিটত বহিবলৈ বাধ্য কৰালে। ইয়াৰ পিছতো নাকচ কৰাৰ লগে লগে তেওঁ বিমানখনৰ দুৱাৰৰ ওচৰলৈ গৈ খুলিবলৈ চেষ্টা কৰিবলৈ ধৰিলে। সকলো যাত্ৰীয়ে এই কথাত ভয় খাইছিল যদিও তেওঁ শান্ত হোৱাৰ নামটো লোৱা নাছিল। সেইবাবেই হাত-ভৰি বান্ধি চিটত বহিবলৈ বাধ্য হ’ল।
আৰক্ষীয়ে জনোৱা মতে, অভিযুক্তজন ভাৰতীয় মূলৰ, কিন্তু আমেৰিকাৰ নাগৰিক আৰু তেওঁৰ হাতত আমেৰিকাৰ পাছপ’ৰ্ট আছে। অভিযুক্তৰ চিকিৎসা পৰীক্ষাৰ বাবে নমুনা প্ৰেৰণ কৰা হৈছে, যাতে সেই সময়ত তেওঁৰ মদ্যপান কৰি আছিল নে তেওঁ মানসিকভাৱে বিকাৰগ্ৰস্ত আছিল সেয়া নিশ্চিত কৰিব পৰা যায়।