ভাৰতীয় মুদ্ৰাৰ নোটৰ বিষয়ে আপুনি হয়টো কম বেছি পৰিমানে জানে, কিন্তু আজি আমি আপোনালোকক ক’ম পাকিস্তানৰ নোট কেনেকুৱা আৰু সেই নোটত কি লিখা আছে। যাৰ পিছত আপুনি বুজিব পাৰিব যে ভাৰত আৰু পাকিস্তানৰ নোট কিমান বেলেগ?
পাকিস্তানৰ নোটবোৰৰ আটাইতকৈ গুৰুত্বপূৰ্ণ কথাটো হ’ল তাত মহম্মদ আলী জিন্নাৰ ছবি আছে। স্বাধীনতাৰ পিছত কিছুদিনলৈকে ইয়াত নোট ছপা কৰাৰ কোনো ব্যৱস্থা নাছিল। সেইসময়ত পাকিস্তানৰ নোটৰ বাবে ভাৰতে বহুত সহায় কৰিছিল।
পাকিস্তানত নোট ছপাৰ কাম বহু পিছত আৰম্ভ হৈছিল, কাৰণ ১৯৪৮ চনত ইয়াত পাকিস্তানৰ ষ্টেট বেংক গঠন হৈছিল, যেনেকৈ ভাৰতত ভাৰতীয় ৰিজাৰ্ভ বেংক আছে। মনকৰিবলগীয়া যে আগতে ৫, ১০, ১০০ টকীয়া নোট পাকিস্তানত ছপা হৈছিল। ইয়াৰ পিছত ২০০৫ চনৰ পৰা তাত ২০ টকীয়া নোটও ছপা হৈছে।
পাকিস্তানৰ ষ্টেট বেংকৰ অফিচিয়েল ৱেবছাইট অনুসৰি পাকিস্তানত ৫০০০ টকা পৰ্যন্ত নোট আছে। পাকিস্তানত সৰু সৰু নোটৰ উপৰিও ১০ টকা, ২০ টকা, ৫০ টকা, ১০০ টকা, ৫০০ টকা, ১০০০ টকা আৰু ৫০০০ টকাৰ নোট আছে।
ভাৰতৰ নোটৰ দৰে পাকিস্তানৰ নোটতো নিৰাপত্তা বৈশিষ্ট্যৰ ওপৰত গুৰুত্ব দিয়া হৈছে। পাকিস্তানৰ নোটতো ভাৰতৰ দৰে ষ্টেট বেংক আদিৰ বিষয়ে লিখা আছে। যদি আমি ভাষাৰ কথা কওঁ, তেন্তে তাত তথ্যবোৰ ইংৰাজী আৰু উৰ্দু ভাষাত লিখা থাকে।
নোটখনৰ পিছফালে ভাৰতৰ দৰে পাকিস্তানৰ এখন ঐতিহাসিক স্থানৰ ফটো আছে।
উল্লেখ্য যে ভাৰত আৰু পাকিস্তানৰ মুদ্ৰাৰ তুলনা কৰিলে পাকিস্তান বহু পিছ পৰি আছে। ভাৰতৰ এক টকা পাকিস্তানৰ ২.৭৪ টকাৰ সমান।