নিয়মীয়া বাৰ্তা, ১০ মে’: প্রধানমন্ত্রী নৰেন্দ্র মোদীৰ চৰকাৰে অনা আৰু এটা আফ্রিকান চিতাৰ মৃত্যু হ’ল মধ্যপ্রদেশৰ কুনো ৰাষ্ট্রীয় উদ্যানত৷ বিগত ডেৰ মাহৰ ভিতৰত এতিয়ালৈকে কুনোত তৃতীয়টো চিতাৰ মৃত্যু হৈছে৷ মধ্যপ্রদেশ বন বিভাগ আৰু কেন্দ্রীয় বন তথা পৰিৱেশ মন্ত্রণালয়ৰ অধীনস্থ ‘নেচনেল চিতা এক্চন প্লেন’ৰ সূত্রৰ খবৰ অনুসৰি মৃত মাইকী চিতাটোৰ নাম ৰখা হৈছিল দক্ষ৷ দক্ষিণ আফ্রিকাৰ পৰা অনা হৈছিল এই চিতাটো৷ অনুমান কৰা হৈছে যে ফিণ্ডা নামৰ এটা মতা চিতাৰ আক্রমণত মৃত্যু হৈছে দক্ষ নামৰ চিতাটোৰ৷