বাৰ্তা ডিজিটেল ডেস্ক, ২৮ ডিচেম্বৰঃ সোমবাৰ ২৫ ডিচেম্বৰত ন্যায়াধীশ সঞ্জয় কিষাণ কৌলে অৱসৰ লৈছিল। তেওঁৰ ঠাইত কলেজিয়ামত কোনে স্থান ল’ব? সেই লৈ জল্পনা-কল্পনা চলিছিল। পিছে সেই চৰ্চাৰ অন্ত পৰিছে। কৌলৰ ঠাইত ন্যায়াধীশ অনিৰুদ্ধ বসু কলেজিয়ামত অন্তৰ্ভুক্ত হোৱাটো পোহৰলৈ আহিছে। ইয়াৰ লগে লগে কলেজিয়ামত এতিয়া চি জে আই ডি ৱাই চন্দ্ৰচুড়, ন্যায়াধীশ বি আৰ গাভাই, ন্যায়াধীশ সূৰ্যকান্ত, ন্যায়াধীশ সঞ্জীৱ খান্না আৰু ন্যায়াধীশ বসুক অন্তৰ্ভুক্ত কৰা হৈছে। সংবাদ সংস্থা এ এন আইৰ মতে, ২০২৪ চনৰ ১০ এপ্ৰিললৈকে বসু কলেজিয়ামত থাকিব।