নিয়মীয়া বাৰ্তা ডিজিটেল, ৯ আগষ্টঃ ভাৰতীয় শ্বুটাৰ মনু ভাকেৰে পেৰিছ অলিম্পিকত ২টা পদক লাভ কৰি ইতিহাস ৰচনা কৰিছে। ভাৰতলৈ উভতি অহাৰ পিছত মনু ভাকেৰক উষ্ম আদৰণি জনোৱা হয়। একে সময়তে মনু ভাকেৰে লোকসভাৰ বিৰোধী দলপতি ৰাহুল গান্ধীক সাক্ষাৎ কৰে। এই সময়ত মনু ভাকেৰৰ প্ৰশিক্ষক যশপাল ৰাণা আৰু পৰিয়ালৰ লোক উপস্থিত থাকে। মনু ভাকেৰে ৰাহুল গান্ধীক লগ পোৱাৰ ছবি ছ’চিয়েল মিডিয়াত ক্ৰমান্বয়ে ভাইৰেল হৈ পৰিছে। ইয়াৰ উপৰি ছ’চিয়েল মিডিয়া ব্যৱহাৰকাৰীসকলে ধাৰাবাহিকভাৱে মন্তব্য কৰি নিজৰ মতামত দি আহিছে। ইয়াৰ পূৰ্বে পেৰিছৰ পৰা ভাৰতলৈ উভতি অহাৰ সময়ত মনু ভাকেৰক গ্ৰেণ্ড ষ্টাইলত আদৰণি জনোৱা হৈছিল।