নিয়মীয়া বাৰ্তা ডিজিটেল, ১৯ ফেব্ৰুৱাৰীঃ নতুন দিল্লী চৰকাৰৰ শপতগ্ৰহণৰ বাবে অতিথি তালিকা প্ৰকাশ পাইছে। এই অনুষ্ঠানৰ বাবে বিজেপিয়ে বিভিন্ন ৰাজ্যৰ চৰকাৰৰ মুঠ ২০জন উপ-মুখ্যমন্ত্ৰীক আমন্ত্ৰণ জনাইছে। ইয়াৰ ভিতৰত উত্তৰ প্ৰদেশৰ পৰা নাগালেণ্ডলৈকে উপ-মুখ্যমন্ত্ৰীসকলো আছে। উত্তৰ প্ৰদেশৰ পৰা কেশৱ প্ৰসাদ মৌৰ্য আৰু বৃজেশ পাঠক, মহাৰাষ্ট্ৰৰ পৰা একনাথ শ্বিণ্ডে আৰু অজিত পাৱাৰ, মধ্য প্ৰদেশৰ পৰা ৰাজেন্দ্ৰ শুক্লা আৰু জগদীশ দেওৰা, ৰাজস্থানৰ পৰা দিব্য কুমাৰী আৰু প্ৰেমচান্দ বৈৰৱা, ওড়িশাৰ পৰা প্ৰতিভা পৰিদা আৰু কনকবৰ্ধন সিং চোৱনা মেইন অৰুণাচল প্ৰদেশৰ পৰা, অন্ধ্ৰ প্ৰদেশৰ পৰা পৱন কল্যাণ, বিহাৰৰ পৰা বিজয় কুমাৰ সিনহা আৰু সম্ৰাট চৌধুৰী, প্ৰেষ্টোন টাইনছং আৰু নাৰ্টিয়াঙৰ বিধায়ক সংগিয়াৱভালাং ধৰ, নাগালেণ্ডৰ পৰা টি আৰ জেলিয়াং আৰু য়ান্থুংগো পেটন ৰামলিলা ময়দানত অনুষ্ঠিত হ’বলগীয়া শপতগ্ৰহণৰ অংশ হিচাপে অংশগ্ৰহণ কৰিব। কাইলৈ অৰ্থাৎ ২০ ফেব্ৰুৱাৰীত দিল্লীত নতুন মুখ্যমন্ত্ৰী আৰু তেওঁৰ কেবিনেট মন্ত্ৰীসকলৰ শপত গ্ৰহণ অনুষ্ঠান। দুপৰীয়া ১২ বজাৰ পৰা আৰম্ভ হ’ব এই অনুষ্ঠান। এই অনুষ্ঠানৰ আয়োজন কৰা হ’ব ৰামলীলা ময়দানত। ইয়াৰ বাবে তীব্ৰ প্ৰস্তুতি চলি আছে। এই কাৰ্যসূচীত তিনি ধৰণৰ মঞ্চ তৈয়াৰ কৰা হ’ব। মূল মঞ্চত উপস্থিত থাকিব প্ৰধানমন্ত্ৰী মোদী, উপ-ৰাজ্যপাল ভি কে ছাক্সেনাৰ লগতে মনোনীত মুখ্যমন্ত্ৰী আৰু তেওঁৰ কেবিনেট সতীৰ্থসকল। আনহাতে আনখন মঞ্চত উপস্থিত থাকিব ধৰ্মগুৰু আৰু বিশেষ অতিথি। সংগীত অনুষ্ঠানৰ সৈতে জড়িত শিল্পীসকল তৃতীয় মঞ্চত উপস্থিত থাকিব। এই অনুষ্ঠানত কৈলাশ খেৰে কণ্ঠদান কৰাৰ চৰ্চা চলিছে। শপতগ্ৰহণৰ বাবে ২৪ ঘণ্টাৰো কম সময় বাকী আছে যদিও বিজেপিয়ে এতিয়াও মুখ্যমন্ত্ৰী পদৰ প্ৰাৰ্থী ঘোষণা কৰা নাই। আজি সন্ধিয়া ৬ বজাত দিল্লীৰ নৱনিৰ্বাচিত বিধায়কসকলৰ এখন বৈঠক অনুষ্ঠিত হ’ব। বিধায়িনী দলৰ এই বৈঠকৰ পাছত দিল্লীৰ নতুন মুখ্যমন্ত্রী ঘোষণা কৰা হ’ব৷