সৰু আই আৰু ইয়াৰ উপসর্গত ভুগি যোৱা দুমাহত বাংলাদেশত মৃত্যু ঘটিছে ৪৫১টি শিশুৰ৷ যোৱা ২৪ ঘণ্টাত মৃত্যু হৈছে ১২টি শিশুৰ৷ এই শিশুকেইটাৰ ভিতৰত চাৰিটি শিশুৰ গাত সৰু আই চিনাক্ত কৰা হৈছে৷
৮টা শিশুৰ গাত সৰু আইৰ উপসর্গ ধৰা পৰিছে৷ সংবাদ মাধ্যমৰ বাতৰিত প্রকাশ পোৱা মতে, শুকুৰবাৰে বাংলাদেশৰ স্বাস্থ্য বিভাগে জনাইছে যে সমগ্র দেশত এইপর্যন্ত ১,১৯২টি শিশুৰ গাত সৰু আইৰ উপসর্গ ধৰা পৰিছে৷
সৰু আই চিনাক্ত কৰা হৈছে ১১১টি শিশুৰ দেহত৷ স্বাস্থ্য দপ্তৰৰ সূত্রই প্রকাশ কৰা মতে, যোৱা ২৪ ঘণ্টাত যি ১২টি শিশুৰ মৃত্যু হৈছে তাৰ ভিতৰত চাৰিটাৰ গাত সৰু আই চিনাক্ত কৰা হৈছে৷ ঢাকাৰ দুটা আৰু ছট্টগ্রাম তথা বৰিশালৰ এটাকৈ শিশুৰ এনেদৰে মৃত্যু হৈছে৷
সৰু আইৰ উপসর্গত ৮টি শিশুৰ মৃত্যু ঘটিছে৷ তাৰ ভিতৰত তিনিটা ঢাকাৰ, তিনিটা ছট্টগ্রামৰ আৰু এটাকৈ শিশু মৈমনসিং আৰু ছিলেটৰ৷ স্বাস্থ্য দপ্তৰৰ তথ্যত প্রকাশ পোৱা মতে, যোৱা ১৫ মার্চৰ পৰা দেশখনত সৰু আইৰ উপসর্গত মৃত্যু হৈছে ৩৭৭টি শিশুৰ৷ সৰু আই চিনাক্ত কৰাৰ পিছত মৃত্যু হৈছে আৰু ৭৪টি শিশুৰ৷
ডিজিটেল ডেস্ক, ১৭ মে’