বাংলাদেশত পুনৰ এজন হিন্দু যুৱকক হত্যাৰ ঘটনা সংঘটিত হৈছে। এই ঘটনা সেই মৈমনসিংহ জিলাতে সংঘটিত হৈছে, য’ত ১৮ ডিচেম্বৰত দীপু চন্দ্ৰ দাসক উত্তেজিত লোকে প্ৰহাৰ কৰি হত্যা কৰিছিল আৰু পিছত তেওঁৰ মৃতদেহ বৰ্বৰোচিতভাৱে উন্মত্ত লোকে জ্বলাই দিছিল। যোৱা ১৫ দিনত এইটো তৃতীয় ঘটনা, য’ত বাংলাদেশত এজন হিন্দু যুৱকৰ মৃত্যু ঘটিছে। ইয়াৰ আগতে ঢাকাত অমৃত মণ্ডলকো গুলী হত্যা কৰা হৈছিল। তেওঁৰ বিৰুদ্ধে গুণ্ডাটেক্স দাবী কৰাৰ অভিযোগ আছিল।
সোমবাৰে (২৯ ডিচেম্বৰ, ২০২৫) সন্ধিয়া প্ৰায় ৬.৪৫ বজাত এটা কাৰখানাত এই ঘটনা সংঘটিত হয়। লাবিব গ্ৰুপ গাৰ্মেণ্টছৰ অন্তৰ্গত ভালুকা উপজিলা অঞ্চলত অৱস্থিত ছুলতান ছুইটাৰ্ছ লিমিটেডত এই ঘটনা ঘটে। সেই সময়ত বজেন্দ্ৰ বিশ্বাস তেওঁৰ মুছলমান বন্ধু নোমান মিঞাৰ সৈতে আছিল। নোমানৰ বন্দুকৰ পৰা ওলোৱা গুলীয়ে বজেন্দ্ৰৰ উৰু অংশত লাগিছিল আৰু সেই আঘাতৰ ফলতেই তেওঁৰ মৃত্যু হয়। আৰক্ষীয়ে নোমান মিঞাক গ্ৰেপ্তাৰ কৰিছে। বজেন্দ্ৰ বিশ্বাসৰ বয়স ৪২ বছৰ আৰু নোমান মিঞাৰ বয়স ২৯ বছৰ।
আৰক্ষী আৰু প্ৰত্যক্ষৰ্শীৰ মতে, বজেন্দ্ৰ আৰু নোমান দুয়ো সুৰক্ষা প্ৰহৰীৰূপে কাৰখানাত নিযুক্ত আছিল আৰু তেওঁলোকে কাৰখানাৰ ভিতৰতেই থকা আনছাৰ বেৰেকত বাস কৰিছিল। কথা-বতৰাৰ সময়ত নোমানে বজেন্দ্ৰ বিশ্বাসৰ ফালে বন্দুক টোঁৱাইছিল। কোৱা হৈছে যে সি এই কাম কৰিছিল, কিন্তু ভুলবশত বন্দুকৰ ট্ৰিগাৰত টিপা খাই যায় আৰু গুলী বজেন্দ্ৰৰ বাঁও উৰুত লাগি যায়।
বজেন্দ্ৰ বিশ্বাসৰ মৃত্যুৰ পাছত বাংলাদেশত পুনৰ উত্তেজনা বৃদ্ধি পোৱাৰ আশংকা দেখা দিছে। দেশখনত ইতিমধ্যে পৰিস্থিতি যথেষ্ট গুৰুতৰ আৰু সংখ্যালঘুসকলক লৈ প্ৰায়ে হিংসাত্মক ঘটনা পোহৰলৈ আহি আছে। ১৮ ডিচেম্বৰত দীপু দাসৰ হত্যাৰ পাছতো পৰিস্থিতি অধিক অৱনতি ঘটিছিল। ভাৰততো এই হত্যাকাণ্ডক লৈ বহুতে অসন্তোষ প্ৰকাশ কৰিছিল। যোৱা এটা বছৰত বাংলাদেশত হিন্দুসকলৰ ওপৰত আক্ৰমণ আৰু হিংসাৰ ঘটনা উল্লেখযোগ্যভাৱে বৃদ্ধি পাইছে।
ডিজিটেল ডেস্ক, ৩০ ডিচেম্বৰ