পাকিস্তান এই সময়ত নিজৰ ইতিহাসৰ আটাইতকৈ গুৰুতৰ ডাঙৰ সমস্যাৰ সন্মুখীন হৈছে। অৰ্থনৈতিক দুৰ্বলতা, ৰাজনৈতিক অনিশ্চয়তা আৰু পেছাগত সুযোগৰ অভাৱে পৰিস্থিতি এনে কৰিছে যে দেশখনৰ আটাইতকৈ শিক্ষিত লোকসকলেও দেশ এৰি যাবলৈ বাধ্য হৈছে। শেহতীয়া চৰকাৰী তথ্যই এই সংকটৰ প্রকৃত ছবি উন্মোচন কৰিছে।
পাকিস্তানৰ Bureau of Emigration and Overseas Employment-ৰ প্ৰতিবেদন অনুসৰি, বিগত দুবছৰত দেশখনে হাজাৰ হাজাৰ উচ্চ শিক্ষিত পেছাদাৰী লোকে দেশ এৰিছে। এই সময়ছোৱাত প্ৰায় ৫ হাজাৰ চিকিৎসক, ১১ হাজাৰ অভিযন্তা আৰু ১৩ হাজাৰ একাউণ্টেণ্টে পাকিস্তান ত্যাগ কৰিছে। এই তথ্যসমূহ এনে সময়ত প্ৰকাশ পাইছে যেতিয়া দেশৰ শাসক আৰু সেনা নেতৃত্বই পৰিস্থিতি স্বাভাৱিক বুলি দেখুৱাবলৈ চেষ্টা কৰি আহিছে।
প্ৰতিবেদনত কোৱা হৈছে যে ২০২৪ চনত ৭ লাখতকৈ অধিক পাকিস্তানীয়ে বিদেশত চাকৰিৰ বাবে পঞ্জীয়ন কৰিছিল। আনহাতে ২০২৫ চনৰ নৱেম্বৰলৈ এই সংখ্যা প্ৰায় ৭ লাখৰ ওচৰত উপনীত হৈছিল। উদ্বেগজনক কথা এই যে এতিয়া এই প্ৰৱাস কেৱল শ্ৰমজীৱী শ্ৰেণীত সীমাবদ্ধ নহয়। চিকিৎসক, অভিযন্তা, একাউণ্টেণ্ট আৰু গৱেষণাৰ সৈতে জড়িত লোকসকলেও দ্ৰুতগতিত দেশ এৰি গৈছে।
এই বিপৰ্যয়ৰ আটাইতকৈ গভীৰ প্ৰভাৱ পাকিস্তানৰ স্বাস্থ্য খণ্ডত পৰিছে। সংবাদ মাধ্যমৰ প্ৰতিবেদন অনুসৰি, বিগত এটা দশকত নাৰ্ছ আৰু চিকিৎসা কৰ্মচাৰীৰ প্ৰৱাসত হাজাৰ শতাংশতকৈও অধিক বৃদ্ধি পাইছে। বিশেষজ্ঞসকলৰ মতে, যদি এই ধাৰা অব্যাহত থাকে, তেন্তে আগন্তুক বছৰসমূহত পাকিস্তানে চিকিৎসকৰ ভীষণ অভাৱ আৰু স্বাস্থ্য সেৱাৰ মান হ্ৰাসৰ সন্মুখীন হ’ব লাগিব।
ডিজিটেল ডেস্ক, ২৭ ডিচেম্বৰ