নিয়মীয়া বাৰ্তা, ২৯ মাৰ্চঃ পশ্চিম কামৰূপৰ নগৰবেৰা নদী সংৰক্ষিত বনাঞ্চলিক কাৰ্যালয়ৰ এটা দলে আজি এক অতৰ্কিতে অভিযান চলাই বনাঞ্চলিক কাৰ্যালয়ৰ অন্তৰ্গত বেজৰসুঁতিত এটা অত্যাধুনিক বালি তোলা মেচিন জব্দ কৰিবলৈ সক্ষম হয়। এঘৰৰ বাৰীৰ পাছফালে লুকুৱাই ৰখা মেচিনটো গোপন খৱৰৰ ভিত্তিত চকাৰ চিন চাই চাই বন বিভাগৰ দলটিয়ে বিচাৰি পাবলৈ সক্ষম হয়। সম্প্ৰতি মেচিনটো নগৰবেৰা বনাঞ্চলিক কাৰ্যালয়ত ৰখাৰ দিহা কৰা হৈছে। বনকৰ্মী কিশোৰ দাসৰ নেতৃত্বত যোৱা অভিযানকাৰী দলটিত চি ডব্লিউ নন্দেশ্বৰ কলিতা, ৰামপ্ৰসাদ সাহা আৰু গাড়ী চালক জ্যোতিষ দাস, মাত্ৰ চাৰিজনীয়া দলৰ এনে সফলতাক সকলোৱে শলাগিছে |
প্ৰেৰক সঞ্জীৱ কুমাৰ দাস